काठमाडौं । सरकारले आगामी आर्थिक वर्षमा विद्यमान कर प्रणालीमा पुनरावलोकन गर्ने घोषणा गरेको छ । आथिर्क वर्ष २०८०/८१ को सरकारको नीति तथा कार्यक्रममार्फत सरकारले त्यस्तो घोषणा गरेको हो ।

संसदको दुवै सदनको संयुक्त बैठकमा सरकारको तर्फबाट नीति तथा कार्यक्रम प्रस्तुत गदै राष्ट्रपति रामचन्द्र पौडेलले त्यस्तो घोषणा गरेका हुन् ।

राजस्व प्रशासनलाई थप सुदृढ र चुस्त बनाइने, विद्यमान कर प्रणालीमा पुनरावलोकन गर्ने पौडेलको भनाइ छ । राजस्वको दायरा विस्तार गर्ने र सबै प्रकारका आर्थिक क्रियाकलापलाई औपचारिक प्रणालीमा आवद्ध गर्ने उनले घोषणा गरे ।

राजस्व चुहावट, न्यून बिजकीकरण, हुण्डी, अवैध कारोबारमा लगानी तथा राष्ट्रिय पूँजी पलायनमा कडाइ गर्ने सरकारले घोषणा गरेको छ ।