काठमाडौं । साताकाे तेस्राेदिन मंगलबार सेयर बजारमा दाेहाेराे अंककाे वृद्वि भएकाे छ । आज नेप्से परिसूचक २५ दशलमव ६६ अंकले बढेर १,९२७ दशमलव ६५ को विन्दुमा कायम भएको हाे ।

मंगलबार १८५ कम्पनीको शेयर मुल्य बढेको छ भने ३१ कम्पनीको शेयर मुल्य घटेको छ । आज दिनभरिमा २६९ कम्पनीको ५५ लाख ४१ हजार ८७८ कित्ता शेयर किनबेच हुँदा १ अर्ब ९८ करोडमाथिको शेयर कारोबार भएको छ ।

मंगलबार सबैभन्दा धेरै सोल्टी होटलको शेयर कारोबार भएको छ । आज कम्पनीको ९ करोड ६८ लाख रुपैयाँको शेयर कारोबार भएको हाे ।

यस्तै शिवम् सिमेन्टको ९ करोड १७ लाख रुपैयाँको शेयर कारोबार भएको छ भने अपर तामाकोशीको ८ करोड ५६ लाख रुपैयाँको शेयर कारोबार भएको छ ।