जनकपुरधाम । जनकपुरधामको रामानन्दचोकमा रहेको सुरक्षा अस्पतालमा उपचारको क्रममा एक महिलाको मृत्यु भएको छ ।

महिलाकाे भएपछि चिकित्सकहरु अस्पताल छाडेर भागेका छन् । आफन्त भने आन्दाेलन गरिरहेका छन् । चिकित्सकले शल्यक्रियामा लापरवाही गरेकाले उनको मृत्यु भएको आफन्तको भनाइ छ ।

मृतक महिलाको शव भने पोस्टमार्टमका लागि प्रादेशिक अस्पताल जनकपुरमा राखिएको छ । पाठेघरमा घाउ भएपछि उनी गत बुधबार दिउँसो शल्यक्रियाका लागि भर्ना भएकी थिइन् ।

जनकपुरधाम उपमहानगरपालिका- १५ कपलेश्वरकी २८ वर्षीया सोनिया साहको शुक्रबार दिउँसो मृत्यु भएको थियो ।