काठमाडौँ । राष्ट्रिय स्वतन्त्र पार्टीका सभापति रवि लामिछानेले आफना विरोधीहरुलाइृ अब मान्छेको पछि लाग्न छोडेर गाडीको पछि लागेको भनी आक्रोश पोखेका छन् । लामिछानेले चितवनमा सञ्चालित ‘मोबाइल क्लिनिक’ सेवा र ब्लु बसका बारेमा उठेका टिप्पणीहरुमा जवाफ दिादै त्यस्तो भनेका हुन् ।

उनले सामाजिक सन्जालमार्फत मोबाइल क्लिनिकका रुपमा सञ्चालनमा ल्याएको पुरानो मेडिकल कलेज भरतपुरको ल्याएको एम्बुलेन्स फिर्ता भएपनि सेवा जारी रहने बताएका छन् ।

‘मोबाइल क्लिनिकमा हामीलाई प्राप्त गाडी मात्र परिवर्तन हुन लागेको हो। मोबाइल क्लिनिक चालू छ। आज जुगेडी क्षेत्रमा बा आमाको सेवामा हुनेछ,’ लामिछानेले लेखेका छन् ।

६५ वर्षभन्दा माथिको उमेरका बिरामीका लागि छिट्टै २ वटा मोबाइल क्लिनिक सेवा सञ्चालनमा ल्याउने उनले बताए ।

ब्लु बसमा पनि कुनै समस्या नभएको लामिछानेको भनाइ छ ।

‘मान्छेको पछि लाग्न छोडेर अब गाडीको पछि रु भोलि टायर पुरानो भनेर लेख्न तयार हुनु होला। हैट हेडलाईन आतंक र … हैरानी । सक्दैनौं, सक्दै त सक्दैनौं,’ उनले भनेका छन् ।