काठमाडौं । नेपाली बजारमा सोमबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुन प्रतितोला २ सय रुपैयाँले बढेको हो ।

महासंघका अनुसार आइतबार स्थिर रहेको छापावला सुनको मूल्य सोमबार प्रतितोला १ लाख ११ हजार ३ सय रुपैयाँमा कारोबार भइरहेको छ ।

यस्तै आज तेजावी सुन प्रतितोला १ लाख १० हजार ७५० रुपैयाँमा कारोबार भइरहेको छ । आइतबार तेजावी सुन १ लाख १० हजार ५५० रुपैयाँमा कारोबार भएको थियो ।

यता चाँदीको मूल्य भने स्थिर रहेको छ । आज चाँदी प्रतिताेला एक हजार ३७५ रुपैयाँमा कारोबार भइरहेको छ ।