काठमाडौँ । गृह मन्त्रालयले चार जिल्लाका प्रमुख जिल्ला अधिकारी (सीडीओ) हरू परिवर्तन गरेको छ । मन्त्रालय मन्त्रीस्तरीय निर्णयबाट चितवन, नुवाकोट, सप्तरी र धनुषाका प्रमुख जिल्ला अधिकारी परिवर्तन गरिएको हो ।

सप्तरीका प्रजिअ भुपेन्द्र थापालाई चितवन सरुवा गरिएको छ । चितवनका प्रजिअ सुरेन्द्र पौड्याललाई नुवाकोट सरुवा गरेर नुवाकोटका प्रजिअ किरण थापालाई सप्तरीको प्रजिअ बनाएर पठाइएको छ ।

धनुषाका प्रजिअ काशीराज दाहाललाई कारागार व्यवस्थापन विभागको महानिर्देशक बनाइ कारागार व्यवस्थापन विभागका महानिर्देशक चक्रपाणि पाण्डेलाई धनुषाको प्रजिअ बनाएर पठाइएको गृहमन्त्री नारायणकाजी श्रेष्ठको सचिवालयले जानकारी दिएको छ ।