काठमाडौं । मिड सोलु हाइड्रोपावर लिमिटेडले आईपीओ बाँडफाँड सम्पन्न गरेको छ । कम्पनीले पहिलो चरणमा वैदेशिक रोजगारीमा रहेका नेपालीहरुको निमित्त निष्काशन गरेको आईपीओ बाँडफाँड गरेको हो ।

कम्पनीको आइपीओ बिक्री प्रबन्धक एनआईसी क्यापिटलले भदौ ६ गते अर्थात बुधबार आईपीओ बाँडफाँड गरेको छ । क्यापिटलका अनुसार साउन १४ देखि २८ गतेसम्म रित पूर्वक आवेदन दिएका सम्पुर्ण आवेदकहरुलाई बाँडफाँड सम्बन्धी प्रचलित कानुन बमोजिम सो कम्पनीको ७४ हजार ८४० कित्ता शेयर बाँडफाँड गरेको छ ।

शेयर बाँडफाँड सम्बन्धि विवरण धितोपत्र निष्काशन तथा बिक्री प्रबन्धक एनआईसी एशिया क्यापिटलको वेबसाइट अथवा सिडिएस एण्ड क्लियरिङ लिमिटेडद्वारा सञ्चालित वेबसाइट मार्फत आईपीओको नतिजा हेर्न सकिने भएको छ ।