काठमाडौँ । १९ औं एसियाली खेलकुदअन्तर्गत पुरुष क्रिकेटको जारी खेलमा नेपालले मल्दिभ्सलाई १ सय ३८ रनले हराएको छ ।

नेपालले दिएको २ सय १३ रन पछ्याउने क्रममा माल्दिभ्स अन्तिम ओभरमा मात्र ७४ रन बनाइ अलआउट हुन पुगको हो ।

माल्दिभ्सका लागि मुयावियाथ अब्दुल घानीले सर्वाधिक रन ३६ तथा रसम रासिदले १२ र सिउस फरिदले १० रन बनाए ।

नेपालका लागि अविनाश बोहराले ६ तथा सन्दीप लामिछाने, कुशल भुर्तेल, सोमपाल कामी, गुल्सन झाले १/१ विकेट लिए ।

टस जितेर पहिले ब्याटिङ गरेको नेपालले निर्धारित २० ओभरमा ७ विकेटको क्षतिमा २ सय १२ रन बनाएको थियो ।

नेपालका लागि कप्तान रोहित पौडेलले ५२, गुल्सन झाले ३५ , कुशल मल्लले अविजित ४७ र कुशल भुर्तेलले ३५ रन बनाएका थिए ।

यो जितसँगै नेपाल एसियाली खेलकुदअन्तर्गत पुरुष क्रिकेटको क्वाटरफाइनल पुगेको छ ।