काठमाडौं । नेपाल-भारत दुवै देशका सीमा सुरक्षाकर्मीबीच समन्वयात्मक बैठक सम्पन्न भएको छ । सोमबार महोत्तरी बर्दिवासमा नेपाल–भारत दुवै देशका सीमा सुरक्षाकर्मीबीच समन्वयात्मक बैठक सम्पन्न भएको हो ।

सशस्त्र प्रहरी बल नेपाल (एपिएफ) र भारतीय सीमा सुरक्षा बल (एसएसबी) सीमा बैठकले विभिन्न विषयमा छलफल गरेका छन् ।

बैठकमा सीमा अपराध, साम्प्रादायिक एवं धार्मिक सहिष्णुता कायम राख्न कुनैपनि किसिमका अवाञ्छित तथा उग्र साम्प्रादायिक गतिविधि हुन नदिन आवश्यक सहयोग र सहकार्य गर्ने सहमति भएको छ ।

त्यस्तै नेपाली सवारी साधनलाई सहज रुपमा आवागमन गराउने, बढ्दो लागुऔषध ओसारपसार तथा मानव तस्करी नियन्त्रण गर्ने, सीमा अपराध नियन्त्रण गर्ने र नजिकिँदै गरेका चाडपर्वलाई लक्षित गरी सीमावर्ती क्षेत्रमा आवागमन सहज तथा सुरक्षित बनाउनको लागि हेल्प डेक्स स्थापना कार्यलाई प्रभावकारी रुपमा संचालन गर्ने विषयमा पनि छलफल भएको छ ।