बैतडी । बैतडीमा भिरबाट लडेर एक युवतीको मृत्यु भएको छ। जिल्लाको डिलासैनी गाउँपालिका-४ फलेडी बस्ने २७ वर्षीया गोमा नेगीको भिर बाट लडेर मृत्यु भएको हो।

पुर्चौडी नगरपालिका-१ कोपिखेत बस्ने उनी आफ्नो श्रिमानको दिदी (जेठी सासु) नाता पर्ने जानकी धानुकको घरमा घरायसी काममा सहयोग गर्न गएकी उनको पुर्चौडी नगरपालिका-१ नेटा स्थित बुधबार दिउँसो खर काट्ने क्रममा भिरबाट लडेर गम्भिर घाईते भएकी थिइन्।

गम्भिर घाइते भएकी गोमालाई पुर्चौडी स्वास्थ्य चौकीमा उपचार पश्चात थप उपचारको लागि धनगढी ल्याउने क्रममा सोही राति बाटो मै मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए।