काठमाडौँ । टी-२० विश्वकप छनोट क्रिकेट प्रतियोगिताको जारी फाइनल खेलमा ओमानविरुद्ध नेपालका गुल्शन झाले अर्धशतक बनाएका छन् । झाले २० बलमा ५ छक्का र ४ चौकाको मद्दतले अर्धशतक बनाएका हुन् ।

ट्वान्टी–२० अन्तर्राष्ट्रिय क्रिकेटमा गुल्सनको यो पहिलो अर्धशतक हो ।

चार विकेट गुमाएर संकटमा पुगेको अवस्थामा क्रिजमा आएका उनले विष्फोटक ब्याटिङ गर्र्दै नेपाललाई खेलमा फर्काए ।उनले कप्तान रोहितकुमार पौडेलसँग हालसम्म ६८ रनको साझेदारी गरिसकेका छन् । रोहितले २२ रन बनाएका छन् ।

जारी खेलको १६ ओभर समाप्त हुँदा नेपालले चार विकेट गुमाएर १२८ रन जाेडेको छ ।