काठमाडौं । नागरिक उड्डयन प्राधिकरणले त्रिभुवन अन्तर्राष्ट्रिय विमानस्थलको ग्राउन्ड ह्यान्डलिङ (भूमिस्थ प्रबन्ध) सेवा प्रतिस्पर्धाबाट दिने भएको छ।

नेपाल नागरिक उड्डयन प्राधिकरणले सेवा शुल्क नियमावली २०७८ को नियम ५ (२) बमोजिम भूमिस्थ प्रबन्ध सेवा प्रतिस्पर्धाका माध्यमबाट छनोट भएको संस्थामार्फत गराउने निर्णय गरेको हो ।

अब नेपाल वायुसेवा निगमले प्रतिस्पर्धाका आधारमा छनोट हुन नसके विगतमा लिदैँ आएको आम्दानीको स्रोत बन्द हुनेछ । यस भन्दा अगाडी नेपाल एयरलाइन्सले एकाधिकार जमाएको थियो ।

बिहीबार प्राधिकरणले युरोपेली यूनियनको कालोसूचीमा नेपाल दोहोरिनुको एक कारण नेवानि भित्रको कमजोर व्यवस्थापन रहेको जनाएको थियो ।