काठमाडौं । नेपालले दक्षिण अफ्रिकामा जारी आईसीसी यू–१९ विश्वकप २०२४ मा बंगलादेशसँग टस जितेर पहिला ब्याटिङ गर्ने निर्णय लिएको छ ।

माङ्गाउङ्ग ओभलमा नेपालका कप्तान देव खनालले टस जितेर पहिला ब्याटिङ गर्ने निर्णय लिएका हुन् ।

मंगलबारको खेलमा भारत र पाकिस्तान दुवैले जित हात पारेपछि सेमिफाइनल चरणको दौडबाट बाहिरिसकेको नेपालले बंगलादेशविरुद्ध जितका लागि मात्र खेल्दैछ ।

बंगलादेशको भने सेमिफाइनल पुग्ने झिनो सम्भावना अझै बाँकी छ । त्यसैले बंगलादेशले नेपालविरुद्ध जितसँगै नेट रनरेटका लागि समेत खेल्नेछ ।