काठमाडौं । आम जनता पार्टी (आजपा) ले भन्सारको विभेदकारी प्रावधान विरुद्ध १० औँ दिनपनि आन्दोलन जारी राखेको छ ।

आज आन्दोलनको दशौँ दिन पनि भन्सार विभागमा आन्दोलनकारीहरुले धर्ना र घेराऊ कार्यक्रम जारी राखेका हुन् । उनीहरुले विभागमा कुनै पनि गाडी छिर्न दिएका छैनन् ।

आजपाले भन्सार नियन्त्रणको नाममा तराई/मधेस क्षेत्रको जनताको निजी सम्पति लुट्ने काम तुरुन्त बन्द गर्न तथा भन्सार कानुनमा रहेका सम्पूर्ण विभेदकारी एवं लूटकारी प्रावधान हटाउन भन्सार बिभाग मार्फत सरकारसंग माग गरेको छ ।

भदौ महिनादेखि शुरू भएको उक्त आन्दोलनले राजस्व सम्बन्धी सम्पूर्ण कानुनमा एकरुपता ल्याउन, भन्सार कानुनबाट पुरस्कार सम्बन्धी सम्पूर्ण प्रावधान हटाउने, भन्सार नियन्त्रणको नाममा निजी सम्पति लुट्ने काम बन्द गर्ने तथा नाका नाकामा भन्सार कार्यालय स्थापना एवं स्तरवृद्धि गर्ने जस्ता मागहरु राखेकाे छ ।