काठमाडौं । नेपाली कांग्रेसका सांसद प्रकाश रसाइली (स्नेही )ले बझाङका जनताले भोगिरहेको खाद्यान्न संकटका विषयमा सरकारको ध्यानाकर्षण गराएका छन् । आजको प्रतिनिधिसभाको शून्य समयमा बोल्दै उनले बझाङका जनताले चामल खान पाउने कि नपाउने भन्दै प्रधानमन्त्रीसँग जवाफ माग गरेका छन् ।
उनले बझाङका जनता खाद्यान्न समस्यामा परिरहँदा प्रधानमन्त्री केपी ओलीले चासो नदिएको भन्दै असन्तुष्टि व्यक्त गरे ।
“प्रधानमन्त्री ज्यू, तपाईंहरूको सरकार बनेपछि १३ करोडको होली वाइन खानु भयो तर बझाङका जनताले चामल खान पाउने कि नपाउने ? ”उनले प्रश्न गरे ।