मुम्बई । बलिउड अभिनेत्री सोनाक्षी सिन्हा विवाह गर्दैछिन् । अभिनेत्री सिन्हाले प्रेमी जाहिर इक्बालसँग यही जुन २३ मा मुम्बईमा विवाह गर्ने तयारी गरेकी हुन् ।

भारतीय सञ्जारमाध्यमका अनुसार उनीहरुको विवाह मुम्बईको बास्टियनमा हुनेछ । यसका लागि सोनाक्षीले आफ्ना निकट साथीभाइ र आफन्तलाई निम्तो दिइसकेकी छन् ।

सोनाक्षी र जाहिर दुई वर्षदेखि प्रेममा छन् । तर उनीहरूले आफ्नो सम्बन्धलाई सार्वजनिक रूपमा स्विकारेका छैनन् ।