मुम्बई । एक क्याबिन क्रु सदस्यले बलिउड अभिनेत्री कियारा आडवाणीको बारेमा चकित पार्ने खुलासा गरेकी छन् । उनले कियारासँगको यात्राका दौरान निकै खराब अनुभव रहेको बताएकी छन् ।

क्रु मेम्बरले यात्राको क्रममा कियारालाई काजू र बदाम प्रस्ताव गरिएको र उनले नराम्रो स्वरमा लिन अस्वीकार गरेको बताइन् । त्यसपछि कियाराले आफ्नो असिस्टेन्टलाई बोलाएर काजू दिन अनुरोध गरेकाे उनले बताइन्।

केबिन क्रु सदस्यले एक युट्युब च्यानललाई दिएको अन्तर्वार्तामा यो खुलासा गरेकी हुन् ।

यो अन्तर्वार्ताको केही अंश सामाजिक सञ्जालमा भाइरल भइरहेको छ, जसको कमेन्ट सेक्सनमा मानिसहरूले विभिन्न खालका टिप्पणी गरिरहेका छन् । एक प्रयोगकर्ताले पनि उनले पहिलो पटक भेट्दा कियारासँगको अनुभव पनि राम्रो नभएको टिप्पणी गरेका छन् ।

तर, यो भिडियोमा धेरै फ्यान कियाराको समर्थनमा पनि आएका छन् । कियाराको स्वभाव यस्तो नरहेको फ्यानहरूले बताएका छन् । उनी धेरै मीठो र दयालु महिला भएको उनीहरूको भनाई छ ।