काठमाडौं। साताको पहिलो कारोबारकाे दिन आइतबार सेयर बजारमा हरियाली छाएको छ। बजार ५२.९७ अंकले बढेर २२५७.५९ को विन्दुमा बन्द भएको छ।

आइतबार नेप्से परिसूचक दुई वर्षयताकै उच्च बिन्दुमा पुगेको हो । गत वर्ष साउन ७ गतेमात्रै याे २२२७ बिन्दुमा पुगेको थियो ।

भारी अंकले बढेको बजारमा आज २०१ कम्पनीको शेयरभाउ उकालो लागेको छ। आइतबार ३६ कम्पनीको शेयरभाउ घट्दा ५ कम्पनीको शेयरभाउ स्थिर रहेको छ। बजारमा आज ७ अर्ब ६२ करोड रुपैयाँ बढीको कारोबार भएको छ।

आइतबार सर्वाधिक किनबेच जानकी फाइनान्सको भएको छ।