काठमाडाैं । शाहरुख खान यतिबेला आफ्नो आगामी फिल्म ‘किङ’को तयारीमा व्यस्त छन् । फिल्ममा शाहरुखकी छोरी सुहाना खान पनि देखिँदैछिन् ।

हालै शाहरुख लण्डनमा जारी सुटिङ छाडेर अनन्त–राधिकाको विवाहमा सहभागी हुन भारत आएका थिए ।

यसैबीच फिल्ममा अभिषेक बच्चनलाई पनि कास्ट गरिएको खबर आएको छ ।

भारतीय सञ्चारमाध्यमका अनुसार अभिषेकले फिल्म साइन गरिसकेका छन् । फिल्ममा उनी खलनायकको भूमिकामा देखिनेछन् ।

‘किङ’ भन्दा पहिले अभिषेक बच्चन र शाहरुख खान २ फिल्ममा सँगै देखिएका थिए । यी दुई पहिलो पटक सन् २००६ मा आएको फिल्म ‘कभी अलविदा ना कहना’मा सँगै देखिएका थिए । त्यसपछि यी दुबै फिल्म ‘ह्याप्पी न्यू इयर’मा पनि सँगै देखिएका थिए । अभिषेकले शाहरुखको फिल्म ‘ओम शान्ति ओम’मा पनि क्यामियो गरेका छन् ।