काठमाडौं । बलिउड कलाकार राजपाल यादव यतिबेला समस्यामा परेका छन् ।

गत आइतबार अभिनेताको करोडौंको सम्पत्ति बैंकले जफत गरेको थियो । कारबाही गर्दै बैंकले सम्पूर्ण जग्गा सिल गरी त्यहाँ बैंक बोर्ड समेत लगाएको छ ।

वास्तवमा, राजपाल यादवले फिल्म ‘आता पता लपता’ बनाउनको लागि सन् २०१२ मा भारतको केन्द्रीय बैंकबाट ५ करोड रुपैयाँ ऋण लिएका थिए । समयसँगै साँवा ब्याज नर्तिदा यो ऋण ११ करोड भारु पुगेको छ । ऋण तिर्न नसकेपछि आइतबार सेन्ट्रल बैंक अफ इन्डियाको बान्द्रा शाखाले कारबाही गर्दै शाहजहांपुरको कचरी ओभरब्रिज नजिकै रहेको सेठ इन्क्लेभमा रहेको ग्यारेन्टीमा राखेको जग्गा सिल गरेको छ ।

अधिकारीहरूले गोप्य रूपमा कारबाही गरे र सम्पूर्ण सम्पत्ति सिल गरेका हुन्। टाइम्सको रिपोर्ट अनुसार राजपाल यादवले मार्बल बिक्रेतालाई त्यो सम्पत्ति भाडामा दिएका थिए । अफिसरहरूले यसलाई यति हतारमा कब्जा गरे कि सम्पत्ती भित्र चलिरहेको कुलर पनि बन्द गरिएको थिएन।