काठमाडाैं । अभिनेता अक्षय कुमार ‘हाउसफुल ५’ को सुटिङका ​​क्रममा घाइते भएका छन् । बिहीबार एक्शन सिक्वेन्सको सुटिङका ​​क्रममा सेटमा केही वस्तु उछालिएर उनको आँखामा ठोक्किएकाे थियाे ।

हिन्दुस्तान टाइम्सका अनुसार अक्षयकाे आँखामा चोट लागेपछि तुरुन्तै फिल्मको सेटमा आँखा विशेषज्ञलाई बोलाइएको थियो। जाँचपछि अक्षयलाई केहिदिन आराम गर्न डाक्टरले सल्लाह दिएका छन् ।

सन् २०२५ मा रिलिज हुने फिल्म हाउसफुल ५ मा अक्षयका साथै रितेश देशमुख, अभिषेक बच्चन, श्रेयस तलपदे, चंकी पाण्डे, ज्याकलिन फर्नान्डिज, नरगिस फाखरी, फरदीन खान लगायतका कलाकारहरुको अभिनय रहेको छ । यो चलचित्रलाई तरुण मनसुखानीले निर्देशन गर्दैछन् । फिल्म ६ जुन, २०२५ मा रिलिज हुनेछ।