काठमाडौं । माछापुच्छ्रे बैंकको साढे १० लाख बढी कित्ता सेयर बिक्रीमा राखिएको छ। बैंकको संस्थापक समूहको १० लाख ५६ हजार ९१७ कित्ता सेयर बिक्रीमा ल्याइएको हो।

उक्त सेयरमा हाललाई विद्यमान संस्थापक शेयरधनीका साथै अन्य व्यक्ति तथा संस्थाले खरिदका लागि निवेदन दिन सक्नेछन्। यसअघि बैंकले उक्त शेयर संस्थापक शेयरधनीहरुका लागि मात्रै बिक्री खुला गरेको थियो। तर, संस्थापक शेयरधनीहरुबाट खरिद निवेदन नपरेपछि अहिले अन्य व्यक्ति तथा संस्थाका लागि सेयर बिक्री खुला गरिएको हो।

सेयर खरिदका लागि इच्छुक लगानीकर्ताले ७ दिनभित्र निवेदन दिनुपर्नेछ। निवेदन काठमाडौंको सुन्धारास्थित बाघर दरबार जेडीए कम्प्लेक्समा रहेको माछापुच्छ्रे क्यापिटलमा पेस गर्न सकिने बैँकले जनाएको छ।