काठमाडौँ । पूर्वराजा ज्ञानेन्द्र शाहले आज कपिलवस्तुको तौलिहवास्थित तौलेश्वर नाथ मन्दिरमा विशेष पुजापाठ गरेका छन । मंगलबार अपरान्ह तौलेश्वरनाथ मन्दिरमा पुगेर शाहले पूजा पाठ गरेका  हुन् । मन्दिरमा पुग्ने क्रममा उनलाई राजवादी र सुबेच्छुकहरुले भब्य स्वागत गरेका थिए । समर्थकले राजसंस्थाको पक्षमा नारावाजी समेत गरेका थिए ।

पूर्वराजा पूजापाठमा सहभागी हुने थाहा पाएपछि ठुलो संख्यामा स्थानीय र समर्थक स्वागतका लागि मन्दिरमा पुगेका थिए । सो क्रममा समर्थकहरुले मुलुकमा राजसंस्था अपरिहार्य रहेको बताए । 

अघिल्लो साता पूर्वराजाले रुपन्देहीको मायादेवी आठमा रहेको शिवमन्दिरमा समेत पूजाअर्चना गरेका थिए । विभिन्न जिल्लाको भ्रमणमा निस्कदा उनले धार्मिक क्षेत्रको यात्रा गर्ने गरेका छन ।