काठमाडौं । नेपालले महिला त्रिकोणात्मक अन्तर्राष्ट्रिय ट्वान्टी–२० शृंखलाको आफ्नो दोस्रो खेलमा थाइल्यान्डविरुद्ध पहिले ब्याटिङ गर्ने भएको छ ।

शनिबार कीर्तिपुरस्थित त्रिवि क्रिकेट मैदानमा नेपालकी कप्तान इन्दु वर्माले टस जितेर ब्याटिङको निर्णय गरेकी हुन् । खेल सुरू भएको छ ।

नेपालले आफ्नो पहिलो खेलमा नेदरल्यान्ड्सविरुद्ध २० रनको पराजय बेहोरेको थियो तर आफ्नो पहिलो खेलमा नेदरल्यान्ड्सलाई ८ विकेटले हराएको थाइल्यान्ड लगातार दोस्रो जितको लक्ष्यमा छ ।

नेपालले सुरुआती ११ मा एक खेलाडी परिवर्तन गरी इश्वरी विष्टको ठाउँमा ममता चौधरीले मौका दिइएको छ ।

नेपालको प्लेइङ-११

इन्दु बर्मा (कप्तान), सीता रानामगर,  रुविना क्षेत्री, विन्दु रावल, सम्झना खड्का, कविता कुवँर, पुजा महतो, कविता जोशी, मनिषाकुमारी उपाध्याय, अलिशाकुमारी यादव, ममता चौधरी