काठमाडौं । नागरिक उन्मुक्ति पार्टीकी अध्यक्ष रञ्जिता श्रेष्ठ अस्पताल भर्ना भएकी छन् । स्वास्थ्यमा समस्या देखिएपछि उनी काठमाडौंको टोखामा रहेको ग्राण्डी अस्पतालमा भर्ना भएकी हुन् ।

बुधबार बिहानदेखि स्वास्थ्यमा समस्या देखिएपछि उनी हिजो पनि ग्राण्डी अस्पताल भर्ना भएकी थिइन् । जनमतसँग पार्टी एकता घोषणाको पूर्वनिर्धारित कार्यक्रमका लागि उनी अस्पतालबाट आएकी थिइन् ।

नाउपाका संरक्षकसमेत रहेका उनका पति रेशम चौधरी पक्राउपछि एकता घोषणा कार्यक्रम स्थगित हुन पुगेको थियो । पछि रेशम रिहा भएपछि श्रेष्ठ राति अबेरसम्म पार्टीको कार्यक्रममा व्यस्त भइन् ।

राती अचानक पेट दुख्न थालेपछि उनी आज बिहान अस्पताल भर्ना भएकी हुन् ।