काठमाडौं । हावाहुरीका कारण पाेखराकाे फेवातालमा फसेका ८ जनाको उद्धार भएको छ ।

सोमबार दिउँसो अचानक हावाहुरी चल्दा स्ट्यान्ड अप प्याडल बोर्डबाट तालमा खसेका र अलपत्र परेका ८ जनाको सशस्त्र प्रहरीले उद्धार गरेको हो ।

८ जनामध्ये ६ जना हावाहुरी चलेपछि प्याडल बोर्डमै सवार रहेको अवस्थामा तालको बीच भागमा अलपत्र परेका थिए । बाँकी २ जनाको चितवनका रेशम थापा र कास्कीका विजय सुनारको तालमा खसेको अवस्थामा उद्धार गरिएको प्रहरीले जनाएको छ ।