जाजरकोट । जाजरकोट कारागारमा थुनामा रहेका एक युवक झुण्डिएकाे अवस्थामा मृत भेटिएका छन् ।

भेरी नगरपालिका-१० का २६ वर्षीय दीपक बुढाले आइतबार बिहान कारागारको शौचालयमा झुन्डिएर आत्महत्या गरेका हुन् ।

प्रहरीका अनुसार मृत भटिएका थुनुवा जबरजस्ती करणीको आरोपमा पुर्पक्षका लागि थुनामा थिए । मुद्दाको फैसला आउनुअघि नै उनले आत्महत्या गरेका हुन् ।

घटनाको थप अनुसन्धान भइरहेको प्रहरीले जनाएकाे छ ।