टेक्सासमा विनाशकारी बाढीबाट मर्नेहरूको सङ्ख्या सोमबार एक सयभन्दा बढी पुगेको छ । उद्धारकर्ताहरूले पानीको धारले बगाएका मानिसहरूको खोजी जारी राखेका छन् ।

मृतकमध्ये कम्तीमा २७ जना बालबालिका र सल्लाहकारहरू थिए । उनीहरू जुलाईको चौथो बिदाको सप्ताहन्तमा प्रकोप हुँदा नदीको किनारमा रहेको युवा ग्रीष्मकालीन शिविरमा बसिरहेका थिए ।

पूर्वानुमानकर्ताहरूले जलमग्न जमिनमा वर्षा हुँदा थप बाढीको चेतावनी दिएका छन् । वर्षाले हेलिकप्टर, डुङ्गा, कुकुर र करिब एक हजार सात सय ५० जना कर्मचारी समावेश भएको उद्धार प्रयासलाई जटिल बनाएको छ ।

“अझै पनि बाढी निम्त्याउने सम्भावनासहित भारी वर्षाको खतरा छ”, टेक्सासका गभर्नर ग्रेग एबोटले सोमबार एक विज्ञप्तिमा भने । पीडितहरूको सङ्ख्या अझै बढ्ने अनुमान गरिएको छ ।