काठमाडौं । अभिनेत्री मनिषा कोइरालाले राष्ट्रिय स्वतन्त्र पार्टी (रास्वपा)ले चलाएको हस्ताक्षर अभियानमा सहभागी भएकी छिन् ।

रास्वपाले सभापति रवि लामिछानेको न्यायका लागि भन्दै चलाएको अभियानमा उनले बिहिबार वनस्थलीस्थित रास्वपा कार्यालयमै पुगेर हस्ताक्षर गरेकी हुन् ।

हस्ताक्षरपछि संक्षिप्त प्रतिक्रिया दिँदै मनिषाले राज्यबाट रविमाथि अन्याय र दुर्व्यवहार भएको बताइन् । उनले भनिन्, ‘म कुनै पार्टीमा आबद्ध छैन, तर आम नागरिकको हैसियतमा राज्यद्वारा भइरहेका अन्याय र दुर्व्यवहारको विरोध गर्न आएकी हुँ।’