काठमाडौँ । प्रतिनिधिसभाको बैठकलाई सम्बोधन गर्दै प्रधानमन्त्री केपी शर्मा ओलीले सरकार कोरोना भाइरस ९कोभिड–१९०विरुद्धमा काम गरिरहेको बताएका छन् । उनले कोरोनाबाट ज्यान गुमाएमा सबैप्रति श्रद्धाञ्जलि व्यक्त गर्दै बैठक सुरु गरेका थिए ।

प्रधानमन्त्री ओलीले विश्वभर फैलिएको कोरोनाबाट नेपाल पनि अछुत हुन नसकेकाले सबै जना मिलेर लाग्नु पर्ने बेला आएको बताए । ‘कोरोनाविरुद्ध हामी सबै एकजुट भएर लाग्नु पर्ने हुन्थ्यो, तर हामी यसरी काम गर्न सकेनौँ, सरकारले आफ्नो ध्यान कोभिडविरुद्ध केन्द्रत गर्न चाह्यो,’ यसैबीच ओलीले भने, ‘तर, सरकारले अनेक कठिनाईको सामना गर्नु पर्यो, प्रधानमन्त्री हिलो छ्याप्ने काम भयो, कोभिडको औषधि खरिदको नाममा कुरा उचाल्ने क्रियाकलाप भए ।’

प्रधानमन्त्री ओलीले दक्षिण एसियामा नेपाल भ्याक्सिन लगाउन सुरु गर्ने पहिलो देश भएको बताए । उनले आफ्नो देशमा कोरोनाको भ्याक्सिन उत्पादन नभए पनि भ्याक्सिन लगाउन सुरु गरेको उल्लेख गरे ।

आगामी दिनमा कोरोनाको दोस्रो लहरलाई परास्त गर्न विभिन्न देशबाट भ्याक्सिन मगाउनेदेखि बेड थप, औषधिको माग गरिरहेको प्रधानमन्त्री ओलीले दाबी गरे