मुम्बई । भारतका चर्चित युट्युबर एल्विश यादवको गुरुग्रामस्थित घरमा आइतबार बिहान गोली प्रहार भएको छ। घटना बिहान ६ बजे भएको बताइएको छ।

प्रहरी स्रोतका अनुसार, आइतबार बिहान साढे ५ देखि ६ बजेको बीचमा मोटरसाइकलमा आएका तीन जनाले लगातार दुई दर्जनभन्दा बढी पटक गोली चलाएका थिए।

गोली चल्दा एल्विश घरमा थिएनन्। यद्यपि, उनकी आमा र कामदार घरमै थिए। प्रहरीमा उजुरी दर्ता भएसँगै घटनाकाे अनुसन्धान सुरु गरिएको छ।

प्रहरीले आक्रमणकारीहरूको खोजी सुरु गरेको छ र यसको लागि क्षेत्र वरपरका सीसीटीभी क्यामेराहरू स्क्यान गरिँदैछ। अहिलेसम्म कुनै पनि समूहले यो गोलाबारीको जिम्मेवारी लिएको छैन।