काठमाडौं । नेपालका लागि भेस्पा एप्रिलिया स्कुटरका आधिकारिक वितरक डेल्टा अटोकर्प प्रालिले दसैँ, तिहार तथा छठ पर्वको अवसरमा ‘डबल या तेब्बर बबाल’ फेस्टिभ अफर सार्वजनिक गरेको छ ।

अफरअन्तर्गत, भेस्पा वा एप्रिलिया स्कुटर खरिद गर्ने हरेक ग्राहकले आकर्षक स्क्र्याच कार्ड प्राप्त गर्नेछन् । कार्डमा दिइएको क्यूआर कोड स्क्यान गरी स्क्र्याचमार्फत प्राप्त रकमलाई दोब्बर वा तेब्बरसम्म बढाउन सकिनेछ ।

यस अफरअन्तर्गत, हरेक हप्ताको लक्की ड्रमार्फत ग्राहकहरूले चार रात पाँच दिनको रोमाञ्चक थाइल्यान्ड भ्रमण जित्ने अवसर पाउनेछन् । त्यतिमात्र नभई, अफरको बम्पर पुरस्कारस्वरूप एक भाग्यशाली ग्राहकले १० लाख नगद जित्ने विशेष अवसर पनि प्राप्त गर्नेछन् ।

त्यसैगरी, जुनसुकै कम्पनीको पुरानो मोटरसाइकल वा स्कुटर एक्सचेन्ज गर्दा न्यूनतम ४० हजार मूल्यांकन प्राप्त गर्न सकिनेछ । साथै, स्क्र्याच कार्डमार्फत बजार मूल्यांकनभन्दा थप एक लाख ५० हजारसम्म पाउन सकिने कम्पनीले जनाएको छ ।

फाइनान्स सुविधा पनि उत्तिकै आकर्षक छन् । ४.९९ प्रतिशतमात्र ब्याजदरमा ईएमआई सुविधा, शून्य सेवा शुल्कसहित उपलब्ध छ । अफर नेपालभरका सबै आधिकारिक भेस्पा एप्रिलिया शोरुममा उपलब्ध हुने कम्पनीले जनाएको छ ।

योजनाबारे बोल्दै डेल्टा अटोकर्प प्रालिका प्रमुख कार्यकारी अधिकृत विजय महतोले भने, “डेल्टा अटोकर्प सधैँ आफ्ना ग्राहकहरूका लागि आकर्षक र फाइदाजनक योजना ल्याउन प्रतिबद्ध छ । यस वर्ष दसैँ, तिहार र छठ पर्वको उल्लासलाई अझ रोचक बनाउन हामीले ‘डबल या ट्रिपल बबाल’ अफर सार्वजनिक गरेका छौँ । हामी विश्वास गर्छौं, यो अफरले ग्राहकहरूको उत्सवलाई थप विशेष बनाउनेछ र उनीहरूले यस योजनाबाट भरपुर लाभ लिन सक्नेछन् ।”