काठमाडौं । अन्तरिम सरकार प्रमुख सुशीला कार्की आइतबार प्रधानमन्त्री कार्यालय सिंहदबार पुगेकी छिन् ।

यही भदौ २७ गते अन्तरिम सरकारको प्रधानमन्त्रीमा नियुक्त भएकी उनले आइतबार सिंहदबारस्थित गृहमन्त्रालयका लागि नयाँ निर्माण गरिएको भवनमा पदबहाली गरेकी हुन् ।

सिंहदरबार जानुअघि कार्कीले लैनचौर पुगेर शहीदहरूको शालिकमा माल्यअर्पण गरेकी थिइन् । भदौ २३ र २४ गते जेन जीले गरेको आन्दोलनपछि तत्कालीन प्रधानमन्त्री केपी शर्मा ओलीले पदबाट राजीनामा दिएका थिए । त्यसपछि जेनजीको माग अनुसार कार्की अन्तरिम सरकार प्रमुख नियुक्त भएकी हुन् ।

तस्बिरहरु :