काठमाडाैं । नेकपा एकीकृत समाजवादीका सम्मानित नेता झलनाथ खनालकी श्रीमती रविलक्ष्मी चित्रकारले बायाँ हात गुमाएकी छन्।

गत २४ भदौमा आफ्नै निवासमा भएको तोडफोड र आगजनीमा परेर गम्भीर घाइते भएकी चित्रकार कीर्तिपुरस्थित बर्न अस्पतालमा उपचाररत थिइन् । उनकाे बायाँ हात काटिएको अस्पताल स्रोतले जानकारी दिएकाेछ । शल्यक्रियाका क्रममा उनको कुहिनादेखि तलको भाग काटिएको हो।

शल्यक्रियापछि अहिले उनलाई वार्डमा सारिएको छ । उनकाे स्वास्थ्य अवस्था सुधारोन्मुख रहेकाे अस्पतालले जनाएकाे छ।