काठमाडौं । नेकपा (एमाले)का अध्यक्ष एवं पूर्वप्रधानमन्त्री केपी शर्मा ओलीले वर्तमान सरकारले आफू र रमेश लेखकलाई समात्नु नै सुशासन हो भन्ने सोचिरहेको बताएका छन् ।

आइतबार भक्तपुरको गुन्डुस्थित निवासमा प्रेस चौतारीका प्रतिनिधिसँगको भेटका क्रममा उनले यस्तो बताएका हुन् ।

उनले ओली र लेखकलाई गिरफ्तार गरेर थुन्नुलाई नै वर्तमान अन्तरिम सरकारले सुशासन ठानिरहेको बताए । त्यसैका लागि‘जेनजी’लाई संगठित गर्ने, उनीहरूका मागपत्र लेखिदिने, जेनजीलाई बोलाएर दबाब दिए भन्नेजस्ता भ्रम फैलाउने काममा सरकार लागेको उनको भनाइ थियो ।

वर्तमान सरकारले ‘बिनापैसाको नाटक’ देखाइरहेको ओलीले टिप्पणी गरे । जेनजीले प्रधानमन्त्री सुशीला कार्कीलाई बुझाएको मागपत्र कसले, कहाँ ‘ड्राफ्ट’ गरेको भन्ने समेत आफूलाई जानकारी रहेको उनले बताए ।