काठमाडौं । नेपाल प्रिमियर लिग (एनपीएल)अन्तर्गत शनिबार (मंसिर १३)को पहिलो खेलमा लुम्बिनी लायन्सले तीन विकेटले पोखरा एभेन्जर्सलाई हरायो । दोस्रो जित निकालेको लुम्बिनीको चार अंक भएको छ । यो जितले लुम्बिनीको प्लेअफ सम्भावना जीवितै छ ।

जितपछि लुम्बिनीका मेन्टर शुभाष खकुरेलले थपिएको दुई अंकले प्लेअफ पुग्न मद्दत गर्ने विश्वास व्यक्त गरे । उनले भने, “आजको जितले प्लेअफमा पुग्न मद्दत गर्नेछ । बाँकी रहेका दुई खेल जितेर आगामी यात्रा तय गर्नेछौँ । सुरुका खेलमा केही कमजोरी भए पनि अब ती सबै कमजोरीबाट सिकेर जित निकाल्नुपर्नेछ ।”

उनले खेलमैदानको पिचले ब्याटरलाई मद्दत नगरेको बताउँदै त्यसमा सुधार गर्नुपर्ने धारणा समेत व्यक्त गरे ।