काठमाडौँ । नेकपा (एमाले)को ११ औ राष्ट्रिय महाधिवेशनमा युवा नेत्री पनि केन्द्रीय सदस्यको सशक्त दावेदारमा देखिएका छन् । यसअघि केन्द्रीय सदस्य नभएका युवा नेत्रीहरु यसपटकको महाधिवेशनबाट केन्द्रीय सदस्यमा अट्ने गरि तयारी थालेका छन् ।

राष्ट्रिय युवा संघका सहअध्यक्ष समेत भइसकेकी अहिले एमाले अर्थ तथा योजना विभागकी सचिव क्रान्ति बुर्लाकोटी, पूर्व अखिल नेतृ मेनका पछाई र राधिका खतिवडा, भक्त लामा एमाले केन्द्रीय सदस्यमा शसक्त दावेदारमा रुपमा अघि देखिएका छन् । पछाई कर्णाली प्रदेश कमिटीकी पूर्व सदस्य, अधिवक्ता समेत रहेकी खतिवडा अखिलकी पूर्व सचिव र अखिलका पूर्व सचिव समेत रहेकी लामा वागमती प्रदेश कमिटी उपसचिव हुन् । पछाईं, बुर्लाकोटी, खतिवडा, लामा यसअघि नै केन्द्रीय कमिटीमा समेट्नुपर्ने भएपनि अटाएनन् ।

यस्तै बाँकेबाट बसन्ती अधिकारी, विजया धिताल पनि केन्द्रीय सदस्यको आकांक्षी रहेका छन् ।

यस्तै पुरानाबाट केन्द्रीय सदस्य नविना लामा, कमला वोहरा, सुनिता बराल, उषाकिरण तिमिल्सेना, दीपा शर्मा पनि दोहरिने इच्छा व्यक्त गरेका छन् । उनीहरु सवै अखिल पुष्ठिभूमिबाट आएका युवा नेतृ हुन् । लामा र बराल अखिल अध्यक्ष र बोहरा, तिमिल्सेना र शर्मा सचिवालय सदस्य भइसकेका हुन् ।

२५१ केन्द्रीय कमिटी सदस्यमा यसपटक ४० बर्ष मुनिका युवालाई समेट्ने भएकोले धेरै युवा उम्मेदवार केन्द्रीय सदस्यको आकांक्षी बन्ने छन् ।

जेनजी आन्दोलनपछि पुस्तान्तरणको खोजिरहेको वेला एमाले पंक्तिमा यी युवा नेतृ केन्द्रीय सदस्यमा अटाउन सके पार्टीलाई पक्कै पनि फाइदा हुने छ ।