काठमाडाैं । नेकपा एमालेकी उपाध्यक्ष अष्टलक्ष्मी शाक्यले आफू ११ औं महाधिवेशन नलड्ने घाेषणा गरेकी छन्।

आइतबार भृकुटीमण्डपमा बसेको केन्द्रीय कमिटी बैठकमा बोल्दै उनले ११ औं महाधिवेशनमा आफू कुनै पनि पदमा उम्मेदवार नहुने बताएकी हुन्। बैठकमा उनले भनिन्, ‘म अब चुनाव उठ्दिन । मलाई भोट हाल्नु पर्दैन । तर मैले जे गर्दा पार्टी बलियो बन्छ, त्यही गर्ने प्रयत्न जारी रहन्छ ।’

आफू नभई पार्टी चल्दैन भन्ने कुराबाट मुक्त हुनुपर्ने उनको भनाइ थियो । ‘म नभै चल्दैन भन्ने कुराबाट मुक्त होऔँ । हिजो हामीले खुल्ला हुनपर्छ । आमजनताको चासो र चाहनालाई ख्याल गर्दै यो संसोधनतिर नलागौँ, हामी मात्र होइन प्राधिकार । ब विधान संशोधनको विषयमा प्रवेश नै नगरौँ,’ उनले भनिन् ।