काठमाडौं । प्रतिनिधिसभा सदस्य निर्वाचनअन्तर्गत नुवाकोट क्षेत्र नम्बर–२ मा राष्ट्रिय स्वतन्त्र पार्टी (रास्वपा)का उम्मेदवार अच्युतम लामिछाने निर्वाचित भएका छन् ।

लामिछानेले ३२ हजार ५४ मत पाएर विजयी भएका हुन् । उनका निकटतम प्रतिस्पर्धी नेपाली कांग्रेसका उमेदवार जगदीश्वर नरसिंह केसीले १५ हजार ५०३ मत ल्याए ।

तेस्रो स्थानमा रहेका नेकपा (एमाले)का केशवराज पाण्डेले आठ हजार २८५, नेपाली कम्युनिस्ट पार्टी (नेकपा)का उमेदवार हिरानाथ खतिवडाले ६ हजार ७२० मत प्राप्त गरे ।