प्रतिनिधिसभाकी नवनिर्वाचित उपसभामुख रुबीकुमारी ठाकुरले आज आफ्नो पद तथा गोपनीयताको शपथ लिएकी छन्।

राष्ट्रपति भवन शीतल निवासमा शुक्रबार आयोजित समारोहमा उपसभामुख ठाकुरले पद तथा गोपनीयताको शपथ लिएकी हुन्।राष्ट्रपति रामचन्द्र पौडेलको समुपस्थितिमा सभामुख डोलप्रसाद अर्यालले उपसभामुख ठाकुरलाई शपथ गराएका हुन्।

समारोहमा उपराष्ट्रपति रामहायप्रसाद यादव, प्रधानमन्त्री बालेन्द्र शाह, राष्ट्रिय सभाका अध्यक्ष नारायणप्रसाद दाहाल, मन्त्रीगण, सांसद, संवैधानिक निकायका प्रमुख, उच्च सरकारी अधिकारी तथा अन्य लब्धप्रतिष्ठित व्यक्तिहरूको उपपस्थिति थियो।

शुक्रबार भएको मतदान प्रक्रियामा रुबी कुमारीलाई उपसभामुखमा निर्वाचित गरियोस् भन्ने प्रस्तावको पक्षमा प्रतिनिधि सभाका २२९ सदस्यले मतदान गरे। उनको विपक्षमा ५ जनाले मतदान गरे भने २२ जना तटस्थ बसे ।

ठाकुरले सत्तारुढ दल रास्वपाको समर्थनमा बिहीबार संघीय संसद सचिवालयमा उम्मेदवारी दर्ता गराएकी थिइन् ।