काठमाडौँ । उपप्रधानमन्त्री ईश्वर पोखरेलले मेडिसिटी अस्पतालका चिकित्सकसँग आइतबार टेलिफोन गरी विवेकशील साझा पार्टीका नेता उज्जवल थापाको स्वास्थ्य अवस्थाबारे जानकारी लिएका छन् ।

उपप्रधानमन्त्री पोखरेलले थापाकी आमा शान्ता थापालाई पनि टेलिफोन गरी सरकारका तर्फबाट सहयोग गर्नुपर्ने भए जानकारी गराउन आग्रह गरेका थिए ।

“सरकारका तर्फबाट केही विशेष गर्न सकिन्छ भने मलाई सीधै फोन गर्नुस्, उपचारमा आवश्यक सम्पूर्ण सहयोग गर्न तयार छौँ” उपप्रधानमन्त्री पोखरेलले भने । कोरोना भाइरस (कोभिड–१९) संक्रमित थापाको अहिले मेडिसिटी अस्पतालमा उपचार भइरहेको छ ।