काठमाडौँ । नेकपा एमालेको स्थायी कमिटी बैठक स्थगित भएको छ । एमाले केन्द्रिय पार्टी कार्यालय सचिव शेर बहादुर तामाङका अनुसार अर्को सूचना नभएसम्मको लागि स्थगित गरिएको छ । यता पार्टीबाट निस्कासीत नेता माधवकुमार नेपाल–झलनाथ खनाल पक्षको बैठक बसिरहेको छ ।

एमालेको स्थायी कमिटी बैठक पटक पटक स्थगित हुँदै आएको छ । पार्टी एकताका लागि एमालेबाट निस्कासित नेपाल पक्षका दोस्रो तहका नेताहरूसँग वार्ता चलिरहेकाले एमालेले बैठक स्थगित गर्दै आएको छ । बुधवार बैठक स्थगित गरेर बिहीबार बैठक बोलाएको थियो । नेपाल पक्षको परिस्थिति हेरेर बैठक बस्ने जनाएको छ ।