काठमाडौँ । कैलालीको गोदावरी नगरपालिकास्थित अत्तरियामा होटल सञ्चालन गर्ने एक जना मावन बेचबिखन तथा ओसारपसारमा संलग्न रहेको अभियोगमा पक्राउ परेका छन् । जिल्ला प्रहरी कार्यालय कैलालीले गोदावरी नगरपालिका २ अत्तरियास्थित मिट प्वाइन्ट होटलका सञ्चालक दान बहादुर साउदलाई पक्राउ गरेको हो ।

साउदले उक्त होटलमा काम लगाइदिने बहानामा २ जना महिलालाई जेठ ९ देखि १९ गतेसम्म होटलमा राखेका थिए । सो अवधिमा अनैतिक क्रियाकलाप तथा शारीरिक सम्पर्क गर्न लगाउने कार्यमा संलग्न गराएको भन्ने जाहेरीको आधारमा प्रहरीले पक्राउ गरेको हो ।

उनी उपर मानव बेचबिखन तथा ओसारपसार मुद्दामा जिल्ला अदालत कैलालीबाट ५ दिन म्याद थप गरी आवश्यक अनुसन्धान भइरहेको जिल्ला प्रहरी कार्यालय कैलालीले जनाएको छ ।