कैलाली । सुदूरपश्चिम प्रदेशका मुख्यमन्त्री त्रिलोचन भट्टले विश्वासको मत प्राप्त गरेका छन् । प्रदेश सभामा मंगलबार भएको मतदानमा भट्टले ३० मत प्राप्त गरेका छन् ।

यस्तै विपक्षमा ९ मत खसेको छ भने १५ जना सांसद मतदानमा अनुपस्थित रहेका थिए । एमालेको माधव नेपाल पक्षले समर्थन गरेपछि भट्टको सरकार जोगिएको छ । एमालेको ओली पक्षका ७ जना र जनता समाजवादी पार्टीका दुईजनाले सरकारको विपक्षमा मतदान गरेका छन् ।

कांग्रेसले मतदानमा प्रक्रियामा अनुपस्थित भए । बैठकमा ५१ जना सांसद उपस्थित भएका थिए । सुदूरपश्चिम सरकारलाई समर्थन गर्ने सवालमा एमाले संसदीय दल विभाजित भएको थियो । माधव नेपाल पक्षले बहुमतका आधारमा सरकारको समर्थनमा मत हाल्ने निर्णय लिए पनि ओली पक्षका संसदले केन्द्रको निर्देशन अनुसार विपक्षमा भोट हालेका छन् ।