काठमाडौं । पार्टी एकताको सहमति खोज्ने नेकपा एमालेका दोस्रो तहका नेताहरूको वार्ता सुरु भएको छ । नेताहरुको वार्ता ललितपुरको समिट होटलमा सुरू भएको छ ।

पार्टी अध्यक्ष केपी शर्मा ओलीले पार्टीलाई जेठ ३ अघिको अवस्थामा फर्किने लिखित प्रतिवद्धता सार्वजनिक गरेका थिए । तर, माधव कुमार नेपाल पक्षले यसलाई अश्वीकार गरेको छ । आजको छलफलमा संस्थापन पक्षबाट सुवास नेम्वाङ, विष्णु पौडेल, प्रदीप ज्ञवाली सहभागी छन् भने माधव नेपाल पक्षका सुरेन्द्र पाण्डे, गोकर्ण विष्टलगायतका नेता सहभागी छन् ।