काठमाडौँ । काठमाडौँ महानगरपालिकाले सिन्धुपाल्चोकको मेलम्ची र हेलम्बुका बाढी प्रभावितलाई आर्थिक सहयोग गर्ने भएको छ । बिहीबार आगामी आर्थिक वर्षको नीति तथा कार्यक्रम सार्वजनिक गर्दै महानगरका मेयर विद्यासुन्दर शाक्यले मेलम्ची र हेलम्बुका बाढी प्रभावितलाई २ करोड रुपैयाँ दिने घोषणा गरेका छन् ।

हेलम्बु र मेलम्चीले काठमाडौंलाई पानी दिएकाले सो क्षेत्रका बाढी प्रभावितको राहत तथा उद्धारका लागि उक्त रहकम दिइने मेयर शाक्यले बताए । मंगलबार राति आएको मेलम्ची खोलामा बाढी आउँदा हेलम्बु र मेलम्चीका मानिस घरबारविहीन भएका छन् भने बाढीले सडक, पुललगायतका सार्वजनिक संरचनामा समेत क्षति पुर्‍याएको छ ।