काठमाडौं । विपक्षी गठबन्धनका शिर्ष नेताहरुको बैठक सुरु भएको छ । आइतबार (आज) साढे ५ बजेबाट कांग्रेस सभापति शेरबहादुर देउवाको निवास बूढानीलकण्ठमा बैठक सुरु भएको हो । अहिलेको राजनितिक अवस्थाका विषयमा आइतबार ५ बजेदेखि बैठक सुरु भएको देउवाका स्वकिय भानु देउवाले जानकारी दिए ।

छलफलमा कांग्रेसका तर्फबाट सभापति देउवा,माओवादी केन्द्रका अध्यक्ष पुष्पकमल दाहाल, एमालेका तर्फबाट माधव नेपाल र जनता समाजबादी पार्टीका उपेन्द्र यादव रहेका छन् । दोस्रो पटक संसद विघटन गरेर चुनावको मिति राष्ट्रपति विद्यादेवी भण्डारीले घोषणा गरेपछि विपक्षी गठबन्धनले संसद विघटन १४९ हस्ताक्षर लिएर सर्वोच्च अदालत गएको थियो । बुधबारदेखि इजालस सुरु हुने छ ।