काठमाडौँ । रियालिटी गायन सो ‘भ्वाइस अफ नेपाल’को कोचमा राजेशपायल राई देखिने भएका छन् । यसअघिका कोच एवं वरिष्ठ गायक दीप श्रेष्ठ अस्वस्थ भएपछि उनी एपिसोड २२ बाट कोचका रुपमा देखिने भएका हुन् ।

कोरोना भाइरस (कोभिड–१९) संक्रमण भएका दीप श्रेष्ठले केही समय आराम गर्नु पर्ने भएकाले राईलाई कोचमा लिइएको भ्वाइस अफ नेपालले जनाएको छ ।

भिडियो सन्देशमार्फत गायक श्रेष्ठले आफ्ना प्रिय भाइ राजेशपायललाई कार्यभार सुम्पन पाउँदा खुसी लागेको बताएका छन् । कोचको कुर्सी कठिन भएकाले नडराई निर्णय गर्न सुझाव दिएका छन् ।

कोच सम्हालेसँगै राईले श्रेष्ठको शीघ्र स्वास्थ्य लाभको कामना गरेका थिए ।