काठमाडौँ । चीनको आइसिटी चाइना मोबाइल कम्पनीले नेपालमा १ अर्ब अमेरिकी डलर (१ खर्ब अर्ब १८ अर्ब रुपैयाँ) लगानी गर्ने भएको छ । संयुक्त राष्ट्रसंघको कन्फ्रेन्स अन ट्रेड एण्ड डेभलपमेन्ट (युएनसिटिएडी)ले हालै सार्वजनिक गरेको ‘वर्ल्ड इन्भेस्टमेन्ट रिपोर्ट २०२१’ मा उक्त कुरा उल्लेख गरिएको छ ।

‘सूचना, सञ्चार तथा प्रविधिको क्षेत्रमा चाइना मोबाइलले नेपालमा १ अर्ब डलरको मोबाइल डेटा नेटवर्क परियोजना स्थापना गर्ने कार्य सुरु गरेको छ,’ रिपोर्टमा भनिएको छ ।

नेपालमा चीनले यति ठूलो लगानीको काम गर्ने तयारी गरे पनि सरकार बेखबर रहेको छ । चीनको चाइना मोबाइल कम्पनीले नेपालमा आफ्नो मोबाइल डाटा नेटवर्क सुरु गर्ने प्रतिवेदन जारी भइसकेको छ ।

उद्योग, वाणिज्य तथा आपूत्ति मन्त्रालयका प्रवक्ता डा. नाराणय प्रसाद रेग्मीले चीनको कम्पनीले नेपालमा लगानी गर्नेबारेमा आफूहरूलाई केही जानकारी नपाएको बताएका छन् ।