काठमाडौं । कलाकार तथा निर्देशक शिशिर शमशेर राणा पक्राउ परेका छन् । राणालाई बिजुलीबजारबाट केन्द्रीय अनुसन्धान ब्युरो (सीआईबी) को टोलीले पक्राउ गरेको हो ।

राणाले ललितपुरकै एक व्यक्तिबाट घर व्यवहार चलाउने भन्दै ४५ लाख ऋण लिएका थिए । तर, रकम पर्याप्त नभएको नबिल बैंकको चेक दिएपछि उनीविरुद्ध बैंकिङ कसूरको उजुरी परेको केन्द्रीय अनुसन्धान ब्यूरोका प्रवक्ता गंगा पन्तले मेरोन्यूजलाई बताए ।

सोही उजुरीका आधारमा उनलाई बैंकिङ कसूरमा उच्च अदालत पाटनले २६ माघ २०७७ मा ४५ लाख जरिवाना र १० दिन कैद सजायको फैसला गरेको थियो ।

प्रोडक्सन म्यानेजरका रूपमा फिल्मक्षेत्रमा प्रवेश गरेका शिशिरले दुई दर्जन फिल्ममा काम गरेका छन् ।